Hasteko, irmoki salatu nahi dugu astelehenean (maiatzak 25) Ondarroako Arrigorri hondartzan hainbat nerabek jazotako indarkeria sexuala.

Ondarroako Udalarentzat erasoa jasan duten nerabeak babestea da lehentasuna. Horretarako ezinbestekoa da inplikatutakoen konfidentzialtasuna bermatzea eta zurrumurruak ekiditea. Beraz, arduraz eta errespetuz jokatzeko deia egiten dizuegu herritarroi.

Gure konpromisoa berresten dugu indarkeria matxistaren kontrako borrokan. Eraso matxistarik gabeko herri baten alde lanean jarraituko dugu.