Ondarroako Udalak aurten ere Euskal Herriko pailazo ezagunenen iksukizuna ekarri du herrira. Pirritx, Porrotx eta Marimotots Zaldupe udal kiroldegiko oholtzara igoko dira. Sarrerak ikastetxeetan egongo dira salgai 5 eurotan.
Portuko biribilgunetik hasi eta Latxanbre enparantzaraino joango dira Meltxor, Gaspar eta Baltasar erregeak. Euria egingo balu zuzenean Latxanbre enparantzan egongo lirateke.
Urteroko bertso saioa antolatu du Ondarroako Udalak Beikozinin: Igor Elortza, Nerea Ibarzabal, Julio Soto eta Oihana Iguaran igoko dira oholtza gainera. Iñaki Lersundi izango da gai jartzailea.
Hondakin bereziak batzeko puntu mugikorra egongo da Alamedan goizeko 09:00etatik 11:00etara. Aerosolak, substantzia arriskutsudun ontziak, pintura eta disolbatzaileen ontziak, autoen iragazki, pila eta bateriak, fluoreszenteak, tonerrak, CDak, idazteko materiala (boligrafoak, rotulkiak...), motoen olioa, bonbonak... batuko dira. TRASTE ZAHARRAK ATERA NAHI IZANEZ GERO TELEFONO ZENBAKI HONETARA DEITU: 900 10 48 78
Aritza Aristondo Natxiondo Kultura batzordeburuak bilera deitu du urtarrilaren 23rako, 19:00etan udaletxean. GAI ZERRENDA: 2019ko urriaren 17ko bilerako aktaren onespena, hala badagokio. 2019ko dirulaguntza deialdia. 2020ko Inauteriak. 2020rako aurrekontua. Eskaerak eta galderak.
Aurrera Kirol Elkarteak 100 urte beteko ditu 2021ean. Hori dela eta zuzendaritza batzordeak mendeurreneko batzorde berezia antolatu nahi du. Horretarako bazkideen batzarra deitu dute ostiralerako, 19:00etan Zaldupen.
Ondarroako Gaztetxeak hitzaldia antolatu du larunbaterako 18:30ean Gaztetxean. Iruña-Veleiako aurkikuntzen inguruan gertatutakoari buruz hitzaldia eskainiko dute Iruña-Veleia Argitu taldeko kideek.
Bizipoza elkarteen elkarte bat da eta bere helburuak gizarteratze prozesuetan laguntzea, behar emozional eta baliabide beharretan lagundu eta eragitea eta guzti hori aurrera eramateko boluntario sare bat martxan jartzea dira. Elkartea Ondarroan ezagutzera emateko aurkezpen ekitaldia antolatu dute. Elkarte horretako kide dira, besteak beste, Arnasa, Naize, Kale Dor Kayiko, Oporrak Bakean, Aspanogi, Aspanovas, Chernobilen Lagunak...
Zientziaren Giltzak elkarteak Juan Ignacio Perez Iglesias biologoa gonbidatu du Ondarroara urtarrilaren 27an arratsaldeko 18:30ean Beikozinin Animalia kulturalak: nola bultzatzen duen kulturak giza bilakaera hitzaldia eskaintzeko.
