Beldur barik lehiaketaren Ondarroako sari banaketa egingo da lehiaketara aurkeztu diren ikasleen artean.

Liburuen Amuak literatur taldea Friedrich Dürrenmatten Epailea eta haren borreroa liburuari buruz solasteko batuko da, Txomin Agirre udal liburutegian. 10:00etatik 12:00etara izango da saioa, Joxemari Urteagaren gidaritzapean. Saioan parte hartzeko, eman izena: UDAL EUSKARA ZERBITZUA: 94 683 36 68 edo mrey@ondarroa.eus UDAL LIBURUTEGIA: 94 683 33 43 edo liburutegia@ondarroa.eus

Ondarrutar Naturala lehiaketa antolatu du udalak Beikozinin. 9 bikote nor baino nor. 100 lagunentzako aforoa dago eta ez da sarrerarik erosi behar aurretiaz.

Ondarroan grabatutako Herri Txiki Infernu Handi saioa eskainiko du ETB-1ek gaueko 22:00etan.

Pirritx, Porrotx eta Marimototsek urteroko bisita egingo dute herrira, baina aurten abenduan. Aforo kontuak direla eta egun berean bi ikuskizun antolatu ditu Ondarroako Udalak kiroldegiko kantxan: abenduaren 13an, domeka, 16:00etan eta 19:00etan.

1980tik 2004ra bitarteko Euskal Herriko animazioaren erakusketa antolatu dute Ondarroako Udalak eta Luterl taldeak Udal Erakusketa Aretoan. Astegunetan 18:30etik 21:00etara eta zapatu, domeka eta jai egunetan 12:00etatik 14:00etara eta 18:30etik 21:00etara. Abenduaren 18tik urtarrilaren 10era bitartean ikusgai.

2019ko kirol sariak udaberrian banatu behar ziren arren ezinezkoa izan da Covid-19a dela eta. Abenduaren 18an 19:00etan banatuko dira Kofradia Zaharrean. Aforoa mugatuta egongo da.