San Juan bezperako gauean suak egiteko baimena eskatzeko epea zabalik dago, eta horrela egingo da maiatzaren 27ko eguerdiko 13:00era arte. Baimen eskaerak aurrez-aurre edo telematikoki egin daitezke. Aurrez-aurre, Herritarren Arreta Zerbitzuan (HAZ, Alamedako bulegoetan); telematikoki, HEMEN.
Gogoratu, sua egiteko eremuaren eskaera egiterakoan kontuan izan behar direla irizpide hauek:
- Suaren eremua Ondarroako udalak mugatuko du. Edozein eraikin, ibilgailu, argindarraren lineetatik edo landaredi altutatik urrun kokatuko da sua. Gutxienez, sutarako egur-piloaren altuera baino 5 aldiz urrunago.
- Sua hedatu ez dadin, garbi eduki beharko da pilaketaren ingurua.
- Suetara edo haren inguruetara, besteak beste, honakoak botatzea galarazita dago: piroteknia-objektuak, esprai, ontzi, zabor edo plastikoak, arriskutsuak izateaz gain, ke toxikoak sor ditzaketelako.
- Haizeak indarrez jotzen badu, baliteke sua bertan behera utzi behar izatea. Gozatu gauaz, arriskurik gabe.
- Eskatzailea (norbanakoa edota elkartea) arduratuko da suaren antolaketa kontrolatzeaz (sua egin aurretik, sua itzaltzen den momentura arte).
