Zaldupe udal kiroldegian apirila-ekaina hiruhilekoan eskainiko diren ikastaroetan izena emateko epea martxoaren 2tik 18ra izango da. Aurrekoetan modura, izen ematea kiroldegiko harreran edo online (ondarroaizapideak.eus) egin ahal izango da.

Udalak plaza-kopuru mugatua eskainiko du Udal Kiroldegiko urteko programazioan. Eskainitako jarduera guztietan gutxieneko plaza kopurua bete beharko da (65 urtetik gorakoentzat eta dibertsitate funtzionaldunentzako ikastaroak izan ezik). Kopuru hori erdia +1 plaza izango da. Jardueraren baten kasuan eskatutako plaza- kopuruak Udalak eskainitakoa gaindituz gero, zozketa egingo da.

IKASTAROAK:

• LEHORREKO JARDUERA GIDATUAK
• Nagusientzat:
  • Cross-training, Cycling, Core-Tono, Multi-fitness, Pilates
• 65 urtetik gorakoentzat:
  • Multi-fitness

• URETAKO JARDUERA GIDATUAK
• Umeentzat:
• Tripi-trapu, Dortoka, Itsas zaldia, Pinguino eta Itsas-txakurra
• Nagusientzat:
  • Aqua-aerobik, Igeri mantenua, Autonomia mailak eta Teknika mailak
• Dibertsitate funtzionaldunentzat:
  • Uretako jarduera

IRAUPENA:

• Apirilaren 13tik ekainaren 25era bitartean.

PREZIOAK:

Indarrean dagoen Ondarroako Udaleko ordenantza fiskalak ezarritakoak.